Monday 28 January 2008

რუსული არაყი ძალიან პოპულარულია


არაყი თავისი სპეციფიკურობით სხვა ალკოჰოლური სასმელებისგან საკმაოდ გამორჩეულია. რამდენიმე წლის წინ ის ძირითადად გამოიყენებოდა, როგორც კოქტეილის შემადგენელი ნაწილი, ამჟამად კი ერთ-ერთ ყველაზე მოდურ სასმელად ითვლება.
ამ ბოლო დროს მომხმარებელთა დიდ ნაწილს ზოგჯერ ძვირფას სასმელს - კონიაკს ან შამპანურს - ჩვეულებრივ, ტრადიციული რუსული არაყი ურჩევნია. ამიტომ ბაზარზე უკვე გამოჩნდა უფრო ძვირადღირებული, მაღალი ხარისხის არაყი. თანამედროვე მომხმარებელს არა მარტო ხარისხიანი და სუფთა პროდუქტი იზიდავს, არამედ ამ პროდუქტის წარმომავლობა და იმიჯი.
რომელი არაყია დღევანდელ მომხმარებლის გემოვნებაზე გათვლილი? დღეს ძალიან დიდი პოპულარობით სარგებლობს პოლონური ფირმის Polmos Siedlce-ს ჭვავის არაყი Diaka, ალმასის ფილტრაციის ტექნოლოგიებით დაპატენტებული. ექსკლუზიური არაყი ჩამოსხმულია Swarovski-ს შუშით მორთულ ბოთლებში, თითოეული ბოთლის ფასი 100 დოლარამდე აღწევს.
დაახლოებით ასე ღირს ცნობილი დიზაინერის რობერტო კავალის (Roberto Cavalli) არაყი. ის დამზადებულია იტალიური მარცვლეულისა და ალპური წყაროებიდან, გაფილტრული Carrara-ს მარმარილოს ნატეხებით.
მომხმარებელთა შორის ძალიან პოპულარულია ე.წ. "ოქროს არაყი" - Gold Flakes Supreme - 0,75 ლიტრი არაყი და 24-კარატიანი ოქროს მარცვლებით. "ოქრო ნამდვილად შეუცვლელია" - განაცხადა ფირმის ერთ-ერთმა მწარმოებელმა და მართალიც აღმოჩნდა: ამ არაჩვეულებრივმა სასმელმა ძალიან მალე შეიძინა თაყვანისმცემლები, რომლებიც აფასებენ არა მარტო გემოს, არამედ იმ საზეიმო განწყობილებასაც, რასაც ეს სასმელი ქმნის.
ნამდვილად ყურადღების ღირსია დონალდ ტრამპის ცნობილი არაყი, რომელიც გამოშვებულია ოთხკუთხა ბოთლებში და ბოთლის ოთხივე მხარეს 24-კარატიანი ოქროთი ჩამოსხმულია ასო T. არყის გაყიდვა თავდაპირველად 1000 ბოთლიდან დაიწყო და სულ მალე მუდმივი მომხმარებლებიც გამოუჩნდნენ.


© „მარანი“

No comments: