გენმოდიფიცირებული ღვინის საფუარი პირველად ჩრდილოეთ ამერიკაში გამოჩნდა. საფუარს ეწოდება ML01 (მწარმოებელი კომპანია Springer Oenologie).კომპანია აცხადებს, რომ ასეთი საფუარის გამოყენების დროს სპირტის დუღილისა და ფერმენტაციის პერიოდი შემცირებულია და მხოლოდ 5 დღეს გრძელდება.ავსტრალიაში არ ცხრება კამათი გენმოდიფიცირებული ღვინის საფუარის ირგვლივ. პოლ ჩემბერსი, ავსტრალიის ღვინის კვლევითი ინსტიტუტის მოლეკულარული ბიოლოგიის სპეციალისტი, ამბობს, რომ გენმოდიფიცირებული პროდუქტების გამოყენება-არგამოყენების საკითხი ერთ-ერთი საკამათო საკითხია ავსტრალიის კვებისა და სპირტიანი სასმელების წარმოებაში და იმედს გამოთქვამს, რომ მევენახეები და მეღვინეები ძალიან მალე შეიცვლიან აზრს გენმოდიფიცირებული ღვინის შესახებ. ჯერჯერობით კი ML01-ის გამოჩენამ ვერც ჩრდილოამერიკულ ბაზარზე მოახდინა გავლენა, რადგანაც ამ პროდუქტს ოფიციალური აღიარება ჯერ არ მოუპოვებია. პოპულარიზაციის ხარისხი დამოკიდებული იქნება შესაძლო რისკებსა და უპირატესობებს შორის თანაფარდობის დადგენაზე.`ML01-ის გამოყენება ხელისუფლებამ რომც მოიწონოს, მთავარი დაბრკოლება მაინც ხალხის აზრი იქნება - როგორ მიიღებს ამას საზოგადოება,` - აღნიშნავს დოქტორი ჩემბერსი.გენმოდიფიცირებული პროდუქციის მომხრეები ამტკიცებენ, რომ ასეთი წარმოშობის პროდუქტები უსაფრთხოა და მთელი რიგი ეკოლოგიური და ფინანსური უპირატესობებით გამოირჩევა.
No comments:
Post a Comment